Maider Unda

Bihar ekainak 24, ETB-3 kateko "Kalifornia" saioan Maiderri eginiko elkarrizketak beteko du Luis Mendizabalek gidatutako programa. Saioa gaueko 22:20etan hasiko da eta datorren larunbatean, 27an, gaueko 00:20 aldera errepikatuko dute. 

           Luis Mendizabal, aurkezlea

EITB ko beste kateetan ere izango da haukerarik Kalifornia saioa ikusteko.

Batetik, ETB-1 ean, uztailaren 6an, astelehena, gaueko 23:30etan. Eta bestetik, ETB SAT en, uztailaren 9an, osteguna, 21:50etan.

Aste hau Granadako Goi Mailako Kirol Heziketa Egoitzan emango du Maiderrek entrenatzen. Sierra Nevadako eski pistak inguruan dituela, 2.320 metrotako garaieran ariko da. Honenbesteko garaieran entrenatzeak dakartzan onurak probestea du helburu aste honetako saioak.

Hil honen bukaeran Italian ospatuko diren Mediterranear Jokoetan parte hartuko duen Espainiako Borroka taldeko parteideekin batera ariko da prestaketan.

Bide batez, nazioarteko beste arerio batzuekin iharduteko modua izango du, hala nola, Frantzia, Suedia eta Kamerungo borrokalariekin.

Asteburuan ospatu berri den Sassari Hiriko XIV. Nazioarteko Txapelketan urrezko domina lortu zuen Maiderrek. Taldekako sailkapenean, bigarren postuan bukatu du Espainiako Borroka Taldeak, Italiakoaren ondoren.

Europako Txapelketan gauzak nahi ez bezala gertatu baziren ere, garaipenaren bidera itzuli da Maider domina berri honekin.

Bihar, maiatzaren 30ean, Maiderrek Italian ospatuko den XIV. Nazioarteko Sassari Hiria txapelketan parte hartuko du.

Iraileko munduko txapelketari begira, oraingoan Italiako lurraldean darrai Maiderren nazioarteko prestaketak. Izan ere, duela astebete Espainiako Borroka Taldearekin batera Erromara abiatu zen Italiarrekin entrenatzera.

Datorren hilean Pescaran ospatzekoak diren Mediterranear Jokoen atariko bezala jo dezakegu honako txapelketa. Maiderrek ordea ez du berta parte hartzeko modurik izango, 72 kg. mailako leihaketarik ez bait da izango. 

Ez dira gauzak nahi bezala gertatu Maiderrentzat atzo ostiralez Vilniusen (Lituania) ospatutako Europako Borroka Txapelketan.

Aurreneko kanporaketan Svitlana Sayenko Ukrainiarra gainditzerik ez zuen izan. Lehenengo zatia (0-2) galdu arren, bigarrenean (1-0) norgehiagoka berdintzea lortu zuen. Hirugarren ekinaldi erabakiorrean ordea, (0-2) Ukrainiarra gailendu zitzaion.

Gerora Sayenkok finalera heltzerik izan ez zuenez, naiz eta azkenik brontzezko domina irabazi, Maiderrek ez zuen bigarren haukeraran parte hartzerik izan.

Azken sailkapenean beraz, hamaikagarren postuan bukatu du aurtengo Europako Txapelketa.

Pasa dan asteartean abiatu zen Maider Lituaniako Vilnius hiriburura 2009ko Europako Borroka Txapelketan parte hartzera.

Denboraldia hasi zenetik hau da aurtengo bigarren dema Maiderrentzat, otsailean Espainiako Txapelketa 11. aldiz irabazi ondoren. Pasa dan urtean Tampereko Txapelketan lortutako 12. postua obetzea du abiapuntu oraingoan eta ezin bazter likeke dominarenbat lortzeko haukera.

Sasoi honean dagoen arren, aurten oraindik ez du nazioarteko txapelketatan parte hartzerik izan eta Europakoa izango da berarentzat lehena. Bertan, dagoeneko aski ezagunak dituen Stanka Zlateva bulgariarra eta Agnieszka Wieszczek poloniarra izango ditu arerio besteak beste, pasa dan urteko Olinpiadetan zilarrezko eta brontzezko dominak irabazi zutenak.

Gaur ospatu den zozketak Svitlana Sayenko Ukrainiarra parekatu du Maiderrekin bihar goizean hasiko diren kanporaketetarako. 

Maiderrek joan den otsailaren 28an Murtzian lortutako 11. Espainiako Txapelketaren berri eman dute ETBko albistegietan. Bertan, Maiderren lan egun bat nolakoa den ikus dezakegu.

Pasa den larunbatean, otsailak 28, Maiderrek urrezko domina lortu du Espainiako XII. Txapelketan.

72 kg. mailan izandako zozketak finalerdiatarako sailkatu zuen zuzenean. Bertan, Claudia Fornés Balear Irletako borrokalaria izan zuen aurkari. Arratsaldez, finalisten aurkezpen ikusgarri baten ondoren, Maiderrek bere nagusitasuna agertu zuen beste behin eta oraingoan, Dacil López Canariarra garaitu zuen.

              Finalerdietako pasarte bat Claudia Fornésekin

Honenbestez, Maiderrek bere 11. Espainiako Txapelketa bereganatu du.

Aurtengo denboraldian, konpetizioan aritu den lehen aldia du eta datorren apirilean Lituanian ospatuko den Europako Txapelketara begira dago jada.

                2009ko Espainiako Txapelketaren 72 Kg. podiuma

Txapelketak beste momentu hunkigarri bat ere izan zuen Maiderrentzat.  Izan ere, Espainiako Borroka Federazioak, Beijingo Joko Olinpiarretan parte hartu zuten borrokalari eta hautatzaileei sari berezi batzu eskeini bait zizkien Presidentearen eskutik. Honetaz gain, Beijinen lortutako 5. postua zihurtatzen duen Olinpiar Diploma ere jaso zuen Maiderrek.

         Maiderrek Olinpiar Diploma jaso zuen unea

Datorren asteburuan Murtziako San Javier hirian ospatuko da 2009ko Espainiako Borroka Txapelketa kadete eta helduen mailan. 

Ostiralean ohiko mediku azterketa eta pisaketarekin hasiko dira txapelketako betebeharrak. Larunbatean, Príncipe Felipe Borobón y Grecia kiroldegian,  helduen mailako  norgehiagokak ospatuko dira eta igandean kadeteenak. 

Maiderrek, 72 kg. mailan, bost arerio izango ditu. Andaluzia, Balear Irlak, Balentzia eta Kanarietako bi ordezkari hain zuzen ere.

Txapelketari buruzko argibide gehiago nahi izanez gero, hortarako propio sortu duten web-horrira jo dezakezue.

Abenduaren 20an Aretxabaletako Arkupe kultur etxean ospatu zen ekitaldian, Maider debagoieneko emakumezko kirolari onena bezala hautatu zuten. La Caixak babesturik, lehen aldiz antolatu den ekitaldi honetan, Leintz Gatzaga, Eskoriatza, Aretxabaleta, Aramaio, Oñati eta Elgetako Udalek parte hartu dute.

Emakumezko kirolari onenaren sariaz gain, Aramaioko Udalak emandako saria ere jaso zuen Maiderrek.