MaiderUnda.com

2008/08/13

Azken entrenamenduak

Datorren abuztuaren 17an parte hartuko du lehenengoz Maiderrek Olinpiar Jokoetan. Urtebeteko prestaketaren ondoren, egin beharrekoak eginda dauden arren, egunotan, azkeneko entrenamendu saioak burutzen ari da Pekinen.
Goizetik izaten du lan saioa eta tarteka, arerio izango dituenekin ere aritzen da. Arratsaldean berriz, sauna saioa eta atsedenaldia.


                     
                      Maider eta Naroa atariko ekitaldian


Bestalde, Olinpiar Jokoen atariko ekitaldiari buruz hitzeginda, momentu unkigarriak bizi izan zituela adierazi digu. Batetik estadiora beste kirolariekin betera eginiko desfilea eta bestetik zuzia piztu zuteneko unea aipagarri. Dena dela, egun honek ere izan zituen bere alde txarrak. Izan ere arratsaldeko seiretarako estadiorako bidea hartu zuten eta  ez ziren itzuli  goizaldeko  ordubata baino lehen. Beraz  ez da  harritzekoa kirolari batzuek ekitaldian parte hartzeari uko egin izanak.

             
Maider Espainiako borroka taldeko partaideekin

Nork: .2008/08/13
Etiketak: entrenamendua pekin | Permalink