Martxoaren 6an Suedian ospatu den Klippan Lady Open txapelketan gauzak ez zaizkio nahi bezala atara Maiderri. Zozketak Marina Gastl austriarrarekin parekatu zuen lehen kanporaketan eta ezinezko gertatu zitzaion garaipena lortzea. Azkeneko munduko txapelketan ere bat egin zuten podiumerako bidean, orduan Maider atara zen garaile.

Austriarrak finalera heltzea lortu ez zuenez, naiz eta azken sailkapenean hirugarren bukatu, Maiderri bigarren haukerako atea itxi zion eta modu honetan, bederatzigarren postuan bukatu du txapelketa.

 Datorren hilean Bakun (Azerbayan) ospatuko den Europako Txapelketari begira, astebete egingo du Suedian entrenatzen.

Emakumezkotan, Euskadiko taldeak, brontzezko domina irabazi zuen sailkapen orokorrean.

Hona hemen 2010. urteko txapelketan jasotako irudi bilduma:

 Ostegunean Suediara abiatuko da Maider. Bertan, aurtengo Europako Txapelketari begira daraman prestaketari jarraituz, Klippan Lady Open txapelketan parte hartuko du eta datorren astean, Espainiako taldearekin batera, entrenatzen geratuko da bertan.

Larunbat goizez kanporaketa saioak izango dira eta bazkaldu ondoren, finalaurre eta bigarren aukerako borrokaldiak bukatuta, aurtengo txapeldunak izendatuko dituzten finalak burutuko dira.

Maiderrek aurten hiru arerio izango ditu bere hamabigarren txapela lortzeko bidean: Maria Jose Noguera andaluziarra, Haridian Gonzalez eta Dacil Lopez kanariarrak.

Zozketak aurreneko kanporaketatik kanpo utzi zuen eta final laudenetako borrokaldian Jenna Pavlik Estatu Batuarra kanporatu zuen (1-0,0-2,1-0). Hona hemen borrokaldi honen irudiak.
  

Finalerdietan Dan Li Txinatarrarekin galdu zuen (0-1,5-0,3-1) azken unean erabaki zen borrokaldi gogor baten ondoren.

Modu hontan, bigarren aukerako aurreneko urratsa  Eva-Maria Maierhofer Austriarrari irabaziz (Pin 4-0,1:54) egin zuen. Gero, brontzezko domina jokoan zela, ezin izan zuen Yan Hong Txinatara gainditu (5-2,2-1).

Orain, astebete egingo du Coloradoko Estatu Batuar Talde Olinpikoaren entrenamendu egoitzan bertako kirolariekin trebatzen.

Maiderrek larunbatez lehiatu beharko du eta datorren astean, Espainia eta Estatu Batuetako federazioen akordioa medio, entrenamenduak burutuko ditu bertan amerikar taldearekin batera. 

Ekitaldia ermitako sarreran eskeinitako ohorezko aurreskuarekin hasi zen. Ondoren, orain arte Aramaioko azken seme kuttun izan den Patxi Uribarrenek jarri zion herriko lehen alaba kuttun bihurtzen zuen pina. Maiderren nortasuna eta indarra azpimarratu zituen Uribarrenek izendapeneko hitzaldian. Asier Agirre alkateak, euskal makila bat oparitu zion eta Oletako auzotarrek lore sorta bat. Ekitaldia Aramaioko beste seme kuttun baten parte hatzearekin bukatu zen, Bixente Goikoetxea abesbatzaren kantaldiarekin hain zuzen ere.

Ekitaldi berean, Sastiña ermitaren itxura berria ikusi ahal izan zuten bertaratutakoek. Aurrerantzean kultur topaleku izatea nahi duten txoko berri batean bihurtu dute. Horretarako, Emakume Kirolariak izeneko argazki erakusketa zabaldu zuten. Bertan Yahaira Agirre, Maialen Chourraut, Reyes Azkoitia, Elaia Torrontegi, Josune Bereziartua eta Maider bera dira protagonistak.

 Hona hemen ekitaldiko une batzu biltzen dituen argazki bilduma:

 Debagoienean kirolean ari direnen lana eskertu asmoz, guztira 15 sari banatu zituzten antolatzaileek. Batetik, bost Udal antolatzaileen herritarrentzako sariak (Aretxabaleta, Aramaio, Elgeta, Leitz-Gatzaga eta Oñatikoak) eta bestetik, gizonezko (aurten Jonathan Perez pertigista izan da saritua) zein emakumezko kirolari onenaren aipamenak izan ziren. Kirol talde aipagarriena UDA taldea izan zen eta Reyes Azkoitiak entrenatzaileari emandakoa jaso zuen. Jone Muxika txirrindulariak kirol ibilbideari eskeinitakoa eta kirol babesle onenarena Soraluze Koop. enpresak. Joxe Eskibel atletak kirol egile anonimoaren aipamena jaso zuen eta herritarren saria Manolo Muñoz, Eskoriatza Kirol Elkarteko presidenteak.

              Saritu guztien argazkia 

Arabako Kirol Prentsa Elkarteak antolatutako Gala honetan, beste kirolari batzuk ere urteko kirolari onenaren aipamena jaso zuten: Sugoi Uriarte, judoko munduko txapeldunordea; Estitxu Salinas, 8.000 m. gailurra lortzen duen lehen emakume arabarra; Iker Foronda, zezta puntan munduko txapelduna; Eli eta Patri Pinedo, bi ahizpen artean estatuko liga, EHF Kopa eta Erreginaren Kopa lortu zituzten;Eneko Llanos, Espainiako txapeldun, Frankfurteko Ironmanean bigarren eta hirugarren urtez jarraian Hawaiko Munduko Xterra txapelketaren irabazle. Eta hauekin batera, urteko kirolari txapeldun bezala, Iker eta Eneko Pou eskalatzaileak saritu zituzten Naranjo de Bulnesen Orbayu bidea zabaltzeagatik.

BAT Basque Team fundazioak Maiderren 2009ko Borroka Mundialeko irudiekin honako bilduma sortu du.

Bestalde, 2009 urtean, fundazioko kirolari desberdinen lorpenak laburtzen dituen beste bideo hau ere erakutsi digute.

Borroka munduan egindako lanagatik, Espainiako Federazioko Zuzendariak, Francisco Javier Iglesiasek; Espainiako emakumezkoen hautatzaileak, Francisco Barciak eta Epaile Elkartearen Presidenteak, Juan Antonio Vilchesek, Arabar Federazioaren zilarrezko pin bana jaso zuten.

Maiderri ere, bere kirol lorpenak eta batez ere Danimarkako Munduko Txapelketan irabazitako domina haitzat hartuta,  zilarrezko pina eta irudi bat oparitu zizkioten.