MaiderUnda.com

2015/09/11

Maiderrek final zortzirenetan galdu du

Final zortzirenetako borrokan Yasemin Adar turkiarra nagusitu zaio Maiderri Las Vegaeko Munduko Txapelketan. Ondoren, turkiarrak ez duenez finaleraino iristerik lortu, Maider bigarren aukerarik gabe geratu da.

TUR - ESP

Modu hontan, 2016ko Rioko Olinpiar Jokoetan parte hartzeko lehen aukera galdu du. Datorren urtean ordea, beste hiru saiakera egin ahal izango ditu:

-Apirilean 15-17: Europear Olinpiar Sailkatze Txapelketa (Zrenjanin, Serbia)

-Apirilaren 22-24: Lehen “Last-Chance” Sailkatze Txapelketa (Ulan Bator, Mongolia)

-Maiatzaren 6-8: Bigarren “Last-Chance” Sailkatze Txapelketa (Istanbul, Turkia)

Nork: .2015/09/11
Etiketak: munduko txapelketa vegas las | Permalink | Erantzunak (0) | Errenferentziak: (0)

2015/09/10

Munduko Txapelketa 2015

Atzo eginiko mediku azterketa eta ondorengo zozketak, Maider Yasemin Adar turkiarrarekin parekatu du final zortzirenetako borrokaldian.

Guztira 24 lehiakide arituko dira guretzat arratsaldeko zazpirak direnean hasita eta zuzenean jarraitzeko modua izango da Nazioarteko Federazioaren web-horritik.

Tabla emparejamientos

Nork: .2015/09/10
Etiketak: munduko 2015 txapelketa | Permalink | Erantzunak (0) | Errenferentziak: (0)

2015/09/02

Munduko Txapelketa Las Vegasen

Pasa den abuztuaren 24tik, Maider Las Vegasen ari da 2015eko Munduko Txapelketako prestaketaren azken lanetan.

Mundiala irailaren 7tik 12ra bitartean ospatuko da EE.BBetako Las Vegas hiriko Orleans Hotel & Arenan eta Maider irailaren 10ean arituko da. Mundu osoko 100 nazio baino gehiago erakarriko dituen txapelketa honek, 2016an Brasilgo Rio de Janeiron ospatuko diren Olinpiar Jokoetara sailkatzeko lehen aukera eskeiniko du. Horretarako, borrokalariek lehen bost postuetan sailkatu beharko dute.



Equipo de Lucha Libre Olímpica Mundial Las Vegas 2015Espainiako Borroka Taldea Las Vegaseko entrenamendu baten


Nork: .2015/09/02
Etiketak: vegas mundiala las txapelketa | Permalink | Erantzunak (0) | Errenferentziak: (0)

2015/07/12

Brontzea Espainiako XV. Sari Nagusian

Brontzezko dominarekin bukatu du Maiderrek bere parte hartzea Espainiako XV. Sari Nagusian.


IMG_20150713_161342

Eguna final zortzirenetako kanporaketarekin hasi zuen Noelia Lalin espainiarrari 1-6 irabaziz. Ondoren, final laurdenetan Zhang Fengliu txinatarra ere menpean hartura finalerdietara heltzea lortu zuen. Bertan ordena, Guzel Manyrova kazajarrak ez zion aukerarik eman eta brontzezko domina defendatzearekin konformatu behar izan zuen. Honetarako, azken borrokaldian Victoria Francis amerikarrarekin lehiatu zen 2-3 irabaziaz borrokaldi gogor baten. Orain, astebetez Madrilen jarraituko du txapelketan lehiakide izan diren kirolariekin batera entrenatzen.
Ondoren txapelketako irudi batzuen bilduma:

Nork: .2015/07/12
Etiketak: sari domina espainiako txapelketa brontzea nagusia | Permalink | Erantzunak (0) | Errenferentziak: (0)

2015/07/10

Espainiako XV. Sari Nagusia

Uztailaren 11n, larunbatez, Espainiako XV. Sari Nagusia ospatuko da Madrilen Kirol Kontseilu Gorenaren Kanpoko Kiroldegian. Txapelketa goizeko bederatziretatik hasita egun guztian zehar arituta lehiatuko dute 41 naziotatik batutako 400 borrokalarik.

cartel-gpe-2015


Maiderrek Noelia Lalin espainiarrarekin hasiko du txapelketa final zortzirenetako kanporaketan. Emaitzak Espainiako Federazioaren web-horrian jarraitu ahalko ditugu eta zuzenean ikusteko modua ere izango da GRADA1 interneteko telebistaren bidez.

Nork: .2015/07/10
Etiketak: txapelketa sari espainiako nagusia | Permalink | Erantzunak (0) | Errenferentziak: (0)

2015/06/17

Brontzezko Domina Europar Jokoetan

Maiderrek brontzezko domina irabazi du Bakun ospatzen ari diren historiako lehen Europar Jokoetan.


Podium Juegos EuropeosArgazkia Michael Steele/Getty Images


Zozketak final zortzirenetako kanporaketatik libre utzi zuen eta txapelketa Zsanett Nemeth Hungariarrari 5-3 irabaziaz hasi zuen. Finalerdietan ordea, ezin izan zuen Vasilisa Marzaliuk Bieloerrusiarrarekin. Oso berdindua eta gogorra izan zen borrokaldia 4-4ko berdinketaz bukatu zen, baina putuaketa araudi berriak Maider finaletik at utzi zuen. Ondoren, brontzezko dominaren lehian Maria Selmaier Alemaniarrari gailendu zitzaion 2-5.

Hona hemen txapelketan emandako irudi batzu:


Nork: .2015/06/17
Etiketak: europear domina txapelketa jokoak brontzea podiuma | Permalink | Erantzunak (0) | Errenferentziak: (0)

2015/06/12

Maider Europar Jokoetan

Gaur abiatuko da Maider Bakura lehenengoz ospatuko diren Europar Jokoetan parte hartzera. Ekainaren 12tik 28ra bitartean, 20 kirol desberdinetan 6200 kirolaritik gora arituko dira Azerbaiyango hiriburuan.


Baku 2015

Maiderrek ekainaren 16an, asteartez, izango du lehiatzeko eguna eta bezperako pisaketak argituko ditu bere arerioak. Irailean Las Vegasen ospatuko den Munduko Txapelketara bidean, Europar lehiakideekin indarrak neurtzeko aukera paregabea izango da Bakuko Europar Jokoena.

Nork: .2015/06/12
Etiketak: jokoak europar baku azerbaiyan txapelketa | Permalink | Erantzunak (0) | Errenferentziak: (0)

2015/05/25

10. Alemaniako Grand Prixean

Maiderrek ez du zorte honik izan asteburuan ospatu zen Alemaniako Grand Prixean, lehenengo kanporaketan Kimberley Grieb alemaniarra gailendu bait zitzaion.

Borrokaldia 0-4 aldeko zuenean, alemaniarrak "touche"eko posturan geldiaraztea lortu zuen, modu hontan borrokaldia bukatutzat emanez. Gerora, finalera iristerik izan ez zuenez, Maiderrek ez zuen bigarren aukeran sartzeko modurik izan eta hamargarren postuan bukatu zuen txapelketa.

Orain, datorren ekainaren 13tik 18ra Bakun ospatuko diren lehen Europar Jokoetarako prestaketari ekingo dio, beti ere irailean Las Veaseko Munduko Txapelketara formarik onenean iristeko asmoz.

Nork: .2015/05/25
Etiketak: prix txapelketa alemania grand | Permalink | Erantzunak (0) | Errenferentziak: (0)

2015/05/22

Alemaniako Grand Prixa

Asteburuan ospatuko den Alemaniako emakumezkoen Grand Prixean parte hartuko du Maiderrek. Dormageneko TSV Bayer Sportcenterean ospatuko dira kanporaketak larunbatez eta igandean, finalak eta dominetarako borrokaldiak.

Aipatzekoa txapelketan parte hartuko duten kirolarien goi maila. Bertan, ekialdeko (Errusia zein Bieloerrusiakoak) eta Kanadako borrokalariak nabarmen ditzakegu.


2015 GP Dormagen

Tapelketako emaitzak honako lotura jarraituz ikusi ahal izango ditugu: Alemaniako Grand Prixa.

Nork: .2015/05/22
Etiketak: prix txapelketa alemania grand | Permalink | Erantzunak (0) | Errenferentziak: (0)

2015/04/19

Urrezko domina Mediterraniar txapelketan

Apirilaren 18a, larunbatez, Madrilen Kirol Kontseilu Gorenaren Kiroldegian ospatu zen 5. Mediterranear Txapelketan Maiderrek urrezko domina lortu zuen. Nordiko erara ospatu zen txapelketan, hau da parte hartzaile guztiak denen artean lehiatuz, Maiderrek arerio oro gainditu zuen.

Noelia Lalin (ESP), Estefania Ramirez (ESP), Aysegul Ozbege (TUR) eta Ekaterini Pitsiavak (GRE) ez zuten aukerarik izan Maiderrek erakutsitako konpetizio mailarekin.


Juegos Mediterraneos 2015

Denboraldiko prestaketari jarraituz, datorren hilean Dormagen hirian ospatuko den Alemaniako Grand Prixean parte hartuko du.

Nork: .2015/04/19
Etiketak: madrid podiuma domina urrean csd | Permalink | Erantzunak (0) | Errenferentziak: (0)